ປະມວນພາບ ການສະເຫຼີມສະຫຼອງໄຊຊະນະະບັ້ນຮົບປົດປ່ອຍຜາຖີ່ ຄົບຮອບ 50 ປີ.

ວັນທີ 10 ມີນາ 2018 ນີ້, ແຂວງຫົວພັນໄດ້ຈັດພິທີສະເຫຼີມສະຫຼອງໄຊຊະນະບັ້ນຣົບປົດປ່ອຍຜາຖີ່ຄົບຮອບ 50 ປີ (13 ມີນາ 1968 – 13 ມີນາ 2018) ຢູ່ທີ່ເດີນກິລາແຂວງ, ໂດຍການເຂົ້າຮ່ວມຂອງທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ທ່ານ ວັນໄຊ ແພງຊຸມມາ ເຈົ້າແຂວງໆຫົວພັນ, ມີຮອງລັດຖະມົນຕີຈາກກະຊວງຕ່າງໆ, ນັກຣົບແຂ່ງຂັນ, ວິລະຊົນແຫ່ງຊາດ, ບັນດາສະຫາຍມາຈາກສູນກາງ, ກະຊວງປ້ອງກັນປະເທດ.

ມີບັນດາຜູ້ແທນຈາກບັນນດາແຂວງທົ່ວປະເທດ, ອະດີດຊຽວຊານການທະຫານຫວຽດນາມ, ຫົວໜ້າທະຫານຊາຍແດນ, ການນຳຂັ້ນແຂວງ, ຂັ້ນເມືອງ, ກ້ອນກຳລັງຕ່າງໆພ້ອມດ້ວຍພໍ່ແມ່ປະຊາຊົນທົ່ວເທດສະບານແຂວງເຂົ້າຮ່ວມຢ່າງເປັນຂະບວນຟົດຟື້ນ.

ທ່ານ ວັນໄຊ ແພງຊຸມມາ  ເຈົ້າແຂວງໆຫົວພັນໄດ້ກ່າວວ່າ: ວັນທີ 13 ມີນາ 1968 – 13 ມີນາ 2018 ແມ່ນເປັນການຈົດຈຳຄຸນງາມຄວາມດີອັນໃຫຍ່ຫຼວງຂອງຜູ້ນຳປະຕິວັດ ແລະ ຮູ້ບຸນຄຸນຢ່າງສຸດຊື້ງເຖິງພະນັກງານນັກຣົບລາວ-ຫວຽດນາມຜູ້ເກັ່ງກ້າ ແລະ ປະຊາຊົນລາວບັນດາເຜົ່າຊາວແຂວງຫົວພັນ ທີ່ໄດ້ອຸທິດຊີວິດເລືອດເນື້ອເຫື່ອແຮງຢ່າງພິລະອາດຫານເພື່ອຄວາມເປັນເອກະລາດຂອງຊາດ, ຄວາມຢູ່ເຢັນເປັນສຸກຂອງປະຊາຊົນບັນດາເຜົ່າ.

ເພາະວ່າບັ້ນຣົບປົດປ່ອຍຜາຖີ່ເປັນບັ້ນຣົບທີ່ຍິ່ງໃຫຍ່, ດຸເດືອດ ແລະ ຂ້ຽວຂາດທີ່ສຸດ ຊື່ງແມ່ນໄຊຊະນະຂອງກຳລັງແຮງແຫ່ງນໍ້າໃຈຮັກຊາດ, ນໍ້າໃຈຄຽດແຄ້ນຕໍ່ຈັກກະພັດຜູ້ຮຸກຮານ ແລະ ລູກແຫຼ້ງຕີນມື, ນໍ້າໃຈເສຍສະຫຼະອັນສູງສົ່ງຕໍ່ສູ້ຢ່າງພິລະອາດຫານຂອງກອງທັບປະຊາຊົນລາວ.

ຂ່າວ: ນິດຖະໜອມ

%d bloggers like this: