ດີໃຈນຳພີ່ນ້ອງຊາວແຂວງເຊກອງ ທີ່ໄດ້ນໍາໃຊ້ຂົວຂ້າມແຫ່ງໃໝ່ຢ່າງເປັນທາງການແລ້ວ.

ຂົວມິດຕະພາບ ລາວ – ຍີ່ປຸ່ນ ແຂວງຊກອງ (ຂົວຂ້າມນ້ຳເຊກອງ) ທີ່ເຊື່ອມຕໍ່ລະຫວ່າງ ເມືອງລະມາມ ທີ່ເປັນເຂດເທດສະບານແຂວງເຊກອງ ແລະ ເມືອງດາກຈຶງ ແລະ ເມືອງກະລຶມໄດ້ສ້າງສໍາເລັດແລ້ວ ແລະ ມາຮອດວັນທີ 12 ກຸມພາ 2018 ໄດ້ມີພິທີມອບ-ຮັບ ແລະ ເປີດນຳໃຊ້ຢ່າງເປັນທາງການ ໂດຍເປັນກຽດເຂົ້າຮ່ວມຂອງທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ທ່ານ ບຸນຈັນ ສິນທະວົງ ລັດຖະມົນຕີກະຊວງ ຍທຂ, ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ພ້ອມດ້ວຍຜູ້ຕາງໜ້າຈາກອົງການໃຈກາປະຈຳລາວ, ການນຳແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.

ຂົວມິດຕະພາບ ລາວ – ຍີ່ປຸ່ນ ແຂວງຊກອງ (ຂົວຂ້າມນ້ຳເຊກອງ) ພາຍຫຼັງທີ່ໄດ້ສໍາເລັດການກໍ່ສ້າງ ແລະ ຕົກແຕ່ງໃນທ້າຍປີ 2017 ຜ່ານມາ ເຊິ່ງຂົວດັ່ງກ່າວຈະຊ່ວຍປະກອບສ່ວນໃຫ້ແກ່ການພັດທະນາເສດຖະກິດ-ສັງຄົມກໍ່ຄືການຄົມມະນາຄົມພາຍໃນແຂວງເຊກອງໃຫ້ມີຄວາມສະດວກ ແລະ ລວມໄປເຖິງການເຂົ້າເຖິງການບໍລິການດ້ານສາທາລະນະສຸກ, ການສຶກສາ ແລະ ເປັນການເປີດຕະຫຼາດໃໝ່ໃຫ້ແກ່ເຂດທີ່ຖືກຈັດໃຫ້ເປັນໜຶ່ງໃນເມືອງທຸກຍາກທີ່ສຸດໃນບັນດາແຂວງຕ່າງໆ ຂອງ ສປປ ລາວ.

ນອກນັ້ນ, ຍັງຄາດວ່າໃນອະນາຄົດຂົວດັ່ງກ່າວຈະກາຍເປັນສ່ວນໜຶ່ງຂອງແລວທາງຂົນສົ່ງລະຫວ່າງ ປະເທດທີ່ເຊື່ອມຈອດ ລະຫວ່າງ ພາກໃຕ້ຂອງລາວ ກັບ ທ່າເຮືອດານັງ ຂອງ ສສ ຫວຽດນາມ ໂດຍກົງ.

 

%d bloggers like this: