ຊູຊຸກິ ປະກາດເພີ່ມເວລາເປີດຫ້ອງຂາຍເຕັມວັນເສົາ

ເລີ່ມແຕ່ວັນທີ 27 ມັງກອນ 2018 ເປັນຕົ້ນໄປ ບໍລິສັດ ເຄພີ 3 ຈີ ແລະ ໂນມູຣະ ເທຣດດິ້ງ ຈໍາກັດ ຫ້ອງຂາຍລົດ ໃຫຍ່ ຊູຊຸກິ ຈະເປີດບໍລິການໃຫ້ລູກຄ້ານັບແຕ່ວັນຈັນຮອດວັນເສົາ ເນື່ອງຈາກ ຄວາມຮຽກຮ້ອງຕ້ອງການຂອງລູກຄ້າເພີ່ມຂຶ້ນ.
ທ່ານ ນາງ ອາລັນຍາ ບົວລະພັນ ຜູ້ຈັດການຂອງຫ້ອງຂາຍລົດ ຊູຊຸກິ ເປີດເຜີຍວ່າ: ໃນເມື່ອກ່ອນຫ້ອງຂາຍຊູຊຸກິ ເປີດບໍລິການໃນວັນລັດຖະການ ແລະ ວັນເສົາເຄິ່ງມື້ ເຊິ່ງເຫັນໄດ້ວ່າລູກຄ້າຈະເຂົ້າມາພົວພັນ ຫຼື ເບິ່ງລົດໃນວັນເສົາເພີ່ມຂຶ້ນ. ພ້ອມດຽວກັນນັ້ນ, ເວລາທີ່ພວກເຮົາເປີດເຄິ່ງມື້ແມ່ນບໍ່ພຽງພໍກັບລູກຄ້າທີ່ເຂົ້າມາເບິ່ງລົດ. ສະນັ້ນ, ເລີ່ມແຕ່ວັນທີ 27 ມັງກອນ 2018 ເປັນຕົ້ນໄປ ຫ້ອງຂາຍຊູຊຸກິ ຈະໄດ້ເປີດບໍລິການໃຫ້ລູກຄ້າເຕັມວັນເສົາ ແລະ ນັ້ນກໍ່ໝາຍ ຄວາມວ່າພວກເຮົາຈະໃຫ້ບໍລິການລູກຄ້າໃນ 1 ອາທິດເຕັມ 6 ວັນ.
ຫ້ອງຂາຍລົດ ຊູຊຸກິ ມີລົດ ໃຫຍ່ຊູຊຸກິ ທັງໝົດ 5 ລຸ້ນ ຄື: Jimny, IGNIS, ALTO K10, CELERIO ແລະ CARRY.
ຫ້ອງຂາຍ ຊູຊຸກິ ຕັ້ງຢູ່ບ້ານສະຫວ່າງ ເມືອງຈັນທະບູລີ ນະຄອນຫຼວງວຽງຈັນ.

%d bloggers like this: