ການບິນລາວ ປະກາດຢຸດຕິຖ້ຽວບິນ ວຽງຈັນ-ສິງກະໂປ.

ລັດວິສາຫະກິດການບິນລາວ ໄດ້ອອກແຈ້ງການວ່າ: ເລີ່ມຕັ້ງແຕ່ວັນທີ 25 ມີນາ 2018 ເປັນຕົ້ນໄປ ຖ້ຽວບິນຂອງສາຍການບິນລາວຕາມເສັ້ນທາງວຽງຈັນ-ສິງກະໂປ ແລະ ສິງກະໂປ-ວຽງຈັນ ຈະໄດ້ຢຸດເຊົາໃຫ້ບໍລິການແກ້ລູກຄ້າຈົນກວ່າຈະມີການປ່ຽນແປງໃໝ່.
ສ່ວນສາເຫດຂອງການຢຸດເຊົາໃຫ້ບໍລິການໃນຄັ້ງນີ້, ທາງລັດວິສາຫະກິດການບິນລາວ ບໍ່ໄດ້ໃຫ້ລາຍລະອຽດໃນແຈ້ງການວ່າ ຍ້ອນສາເຫດອັນໃດ.


ພາຍຫຼັງປະເທດຊາດໄດ້ຮັບການປົດປ່ອຍ ໃນ ປີ 1975 ຈຶ່ງໄດ້ເຕົ້າໂຮມເອົາພາຫະນະ ແລະ ພະນັກງານຂອງທັງ 2 ຝ່າຍເຂົ້າກັນ ແລະ ສ້າງຕັ້ງການບິນລາວ ຂຶ້ນໃນວັນທີ 19 ມັງກອນ 1976 ທີ່ເປັນພາກສ່ວນໜຶ່ງຂອງກົມການບິນພົນລະເຮືອນ ແລະ ຢູ່ພາຍໃຕ້ການຊີ້ນຳຂອງກະຊວງປ້ອງກັນປະເທດ, ໜ້າທີ່ຂອງການບິນລາວ ໃນໄລຍະນັ້ນແມ່ນຮັບໃຊ້ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ພົນລະເຮືອນທົ່ວໄປ.


ໃນປີ 1977 ຍ້ອນຄວາມຮຽກຮ້ອງຕ້ອງການຂອງສົງຄົມຜູ້ຊົມໃຊ້ບໍລິການເພິ່ມຂຶ້ນ ບໍລິສັດການບິນລາວຈຶ່ງໄດ້ເປີດກວ້າງເສັ້ນທາງບິນສູ່ຕ່າງປະເທດ ເຊັ່ນ: ຮ່າໂນ້ຍ, ບາງກອກ ແລະ ພະນົມເປັນ, ມາເຖິງວັນທີ 18 ມີນາ 1989 ການບິນລາວທີ່ຂຶ້ນກັບກະຊວງປ້ອງການປະເທດ ກໍ່ໄດ້ຖືກໂອນໄປໃຫ້ກະຊວງຄົມມະນາຄົມຂົນສົ່ງ ໄປສະນີ ແລະ ກໍ່ສ້າງ (ກະຊວງໂຍທາທິການ ແລະ ຂົນສົ່ງ ໃນປັດຈຸ ບັນ).

ວັນທີ່ 23 ພຶດສະພາ 1989 ການບິນລາວຈຶ່ງໄດ້ແຍກຕົວອອກຈາກກົມການບິນພົນລະເຮືອນສ້າງຕັ້ງເປັນບໍລິສັດການບິນລາວທີ່ເປັນຫົວໜ່ວຍທຸລະກິດຢ່າງຂາດຕົວຂຶ້ນຢ່າງເປັນທາງການ ໂດຍມີການໄລ່ລຽງລາຍຮັບລາຍຈ່າຍດ້ວຍຕົນເອງ ແລະ ໃນວັນທີ 14 ພຶດສະພາ 1998 ໄດ້ ຖືກໂອນກັບມາເປັນລັດວິສາຫະກິດການບິນລາວ ຄືເກົ່າຈົນເຖິງປັດຈຸບັນ.

Cr: Idsala

%d bloggers like this: