ການຄ້າເມືອງສີໂຄດ ລົງກວດສິນຄ້າຕາມຫ້າງຮ້ານທີ່ຂາຍຕ້ອນຮັບປີໃໝ່ລາວ

ເພື່ອປ້ອງກັນບັນຫາສິນຄ້າໃນກະຕ່າຂອງຂັວນໝົດອາຍຸ ໃນວັນທີ 9 ເມສາ 2018 ນີ້ພະນັກງານຫ້ອງການອຸດສາຫະກຳ ແລະ ການຄ້າ ເມືອງສີໂຄດຕະບອງ ນະຄອນຫຼວງວຽງຈັນໄດ້ລົງກວດກາບັນດາຮ້ານຄ້າທີ່ຂາຍກະຕ່າຂອງຂັວນໃນໄລຍະເທດສະການປີໃໝ່ລາວ ເພື່ອແນໃສ່ເປັນການເຕືອນສະຕິແມ່ຄ້າບໍ່ໃຫ້ສວຍໂອກາດຂຶ້ນລາຄາ ແລະ ລູກຄ້າໄດ້ຮັບແຕ່ສິ່ງທີ່ດີມີຄຸນນະພາບ ລວມເຖິງຄວາມປອດໄພຂອງສັງຄົມ.

ຖ້າຫາກທ່ານຊື້ກະຕ່າຂອງຂັວນ ຫຼື ສິ່ງຂອງອ່ວຍພອນຕ່າງໆ ກະລຸນາເບິ່ງສິນຄ້າທີ່ມີວັນເດືອນປີຜະລິດ ແລະ ວັນເດືອນປີໝົດອາຍຸພ້ອມ, ຖ້າຫາກທ່ານພົບເຫັນສິນຄ້າໝົດອາຍຸກະລຸນາແຈ້ງສາຍດ່ວນ 1510 ໄດ້ທຸກໂມງລັດຖະການ.

%d bloggers like this: