ນະຄອນຫຼວງວຽງຈັນ ຈະສ້າງທາງດ່ວນ ຄູ່ຂະໜານຖະໜົນໄກ່ອນ ພົມວິຫານ ຈາກລາວໄອເຕັກ-ດົງໝາກຄາຍ

ທ່ານ ແກ້ວພິລາວັນ ອາໄພລາດ ຮອງເຈົ້າຄອງນະຄອນຫຼວງວຽງຈັນ, ຜູ້ຮັບຜິດຊອບວຽກຂົງເຂດເສດຖະກິດມະຫາພາກ ແລະ ພັດທະນາຕົວເມືອງໄດ້ລາຍງາຍໂຄງການກໍ່ສ້າງທາງດ່ວນ ຄູ່ຂະໜານຖະໜົນໄກສອນ ພົມວິຫານ ຕິດພັນກັບໂຄງການເມືອງດອກຈຳປາ (ອ່າງໂຕ່ງນ້ຳບຶງທາດຫຼວງ)ຕໍ່ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ I ໃນຕອນເຊົ້າວັນທີ11 ມັງກອນ 2017ວ່າ: ໂຄງການກໍ່ສ້າງທາງດ່ວນ ຄູ່ຂະໜານຖະໜົນໄກສອນ ພົມວິຫານ ໄດ້ຖືກລິເລີ່ມບົນພື້ນຖານການຜັນຂະຫຍາຍໂຄງການປ້ອງກັນ ແລະ ແກ້ໄຂລົດຕິດຕາມທ້ອງ ຖະໜົນ.ໂຄງການດັ່ງກ່າວ ຈະສ້າງຖະໜົນເບຕົງເສີມເຫຼັກຝາກລະ 3 ເລນລວມຄວາມກວ້າງ 70 ແມັດ, ບວກເຂດສະຫງວນແລວທາງຕື່ມອີກ40ແມັດ ລວມຄວາມກວ້າງທັງໝົດ 110 ແມັດ.

ໂຄງການກໍ່ສ້າງທາງດ່ວນ ຄູ່ຂະໜານຖະໜົນໄກ່ສອນພົມວິຫານ ໄລຍະ 1 ມີຄວາມຍາວ 14.08 ກິໂລແມັດ, ເລີ່ມແຕ່ສູນການຄ້າລາວໄອເຕັກ-ຕະຫຼາດຫົວຂົວ-ເມືອງດອກ ຈຳປາ (ເຂດສະຫງວນອ່າງໂຕ່ງ)-ໜອງໜ່ຽງ-ຖະໜົນ 450 ປີ-ສະຖານີລົດໄຟ-ຖະໜົນ 13 ໃຕ້-ດົງໝາກ ຄາຍ. ກວມເອົາ 2 ເມືອງ (ເມືອງໄຊເສດຖາ ແລະ ເມືອງໄຊທານີ).

ຄາດຄະເນການກໍ່ສ້າງປະມານ150-200ລ້ານໂດລາສະຫະລັດ.

 

 

 

(ຂໍ້ມູນຈາກຫນັງສືພິມເສດຖະກິດ ການຄ້າ)