ທ້າຍປີ ຮ້ານຂາຍເຄື່ອງຫຼິ້ນເດັກນ້ອຍຂາຍດີ

ດືອນທັນວານີ້ກໍ່ຢູ່ໃນໄລຍະເທດສະການຄຣິສມາດ ແລະ ຈະເຖິງປີໃໝ່່ສາກົນອີກບໍ່ເທົ່າໃດມື້ຂ້າງໜ້ານີ້ ຄົນລາວເຮົາກໍ່ນິຍົມຕາມກະແສ ຕາມເຫດການດັ່ງປັດຈຸບັນທ້າຍປີແລ້ວຫຼາຍຄົນກໍ່ກຽມສະເຫຼີມສະຫຼອງປີໃໝ່ສາກົນ ແລະ ການອວຍພອນສົ່ງທ້າຍປີເກົ່າຕ້ອນຮັບປີໃໝ່. ສະນັ້ນ, ຖ້າເວົ້າເຖິງທຸລະກິດສິນຄ້າທີ່ໄດ້ຂາຍໃນໄລຍະທ້າຍປີຫາຕົ້ນປີນີ້ແມ່ນຮ້ານກະຕ່າຂອງຂວັນ, ກະຕ່າດອກໄມ້, ຮ້ານເສື້ອຜ້າ ( ຊຸດແດງ ) ແລະ ຕົ້ນໄມ້ສິ່ງປະດັບ ( ຕົ້ນຄຣິສມາດ ), ເຄື່ອງບູຊາ ແລະ ຕະຫຼອດຮອດເຄື່ອງຫຼິ້ນເດັກນ້ອຍກໍ່ໄດ້ຂາຍດີເປັນພິເສດ.
ຮ້ານ ເທຣນດີທອຍສ ( Trendy Toys Shop ) ເປັນຮ້ານຂາຍເຄື່ອງຫຼິ້ນເດັກນ້ອຍຫຼາກຫຼາຍຊະນິດທີ່ນຳເຂົ້າຈາກຕ່າງປະເທດມີຫຼາກຫຼາຍລາຄາມາກັບຄຸນນະພາບສິນຄ້າ. ໃນນັ້ນ, ມີເຄື່ອງແຕ່ງກາຍສຳລັບເດັກຕາມເທດສະການ ແລະ ພິເສດກວ່ານັ້ນມີອຸປະກອນ ຫຼື ເຄື່ອງຫຼິ້ນທີ່ປະກອບການຮຽນຮູ້ ຫຼື ການພັດທະນາທັກສະຂອງເດັກອ່ອນຈົນເຖິງເດັກນ້ອຍ 5 ປີຂຶ້ນໄປ ມາໄລຍະທ້າຍປີສິນຄ້າຂອງຫຼິ້ນຂາຍດີເປັນພິເສດ.
ຈາກການສຳພາດ ທ່ານ ນາງ ປະວິນາ ປັນຍານຸວົງ ເຈົ້າຂອງຮ້ານ Trendy Toys shop ສຳພາດວ່າ: ໄລຍະກາງເດືອນຫາທ້າຍເດືອນທັນວາຮ້ານຂາຍເຄື່ອງຫຼິ້ນເດັກນ້ອຍເຮົາໄດ້ຂາຍດີເປັນພິເສດ ເພາະເປັນໄລຍະເທດສະການ ຄຣິສມາດຈະມີຄອບຄົວພາລູກມາຊື້ຂອງຫຼິ້ນເປັນຂອງຂວັນໃຫ້ລູກຫຼານ ແລະ ບາງຄົນມາຊື້ເຄື່ອງນຸ່ງໃສ່ງານສະເຫຼີມສະຫຼອງຄຣິສມາດຕະຫຼອດເຖິງສິ່ງປະດັບຕົກແຕ່ງຕົ້ນຄຣິສມາດ, ຊຸດແຕ່ງຕົວ, ຊຸດແຟນຕາຊີ ( ສີສັນ ) ຕາມງານເທດສະການ, ບັດອວຍພອນ, ເຄື່ອງຫຼິ້ນຕ່າງໆມອບເປັນຂອງຂວັນກັບຄອບຄົວ ເຊັ່ນ: ພໍ່ແມ່ໃຫ້ລູກຫຼານ ຫຼື ຈາກຄອບຄົວຮັກແພງມອບໃຫ້ລູກຫຼານເຊິ່ງກັນ ແລະ ກັນເປັນຂອງຂວັນປີໃໝ່ສ້າງສາຍສຳພັນຮັກແພງກັນ.
ທ່ານບອກວ່າຮ້ານເຮົາມີລູກຄ້າທັງພາຍໃນ ແລະ ຕ່າງແຂວງທັງລູກຄ້າຕ່າງປະເທດທີ່ມາອາໄສໃນ ສປປ ລາວ ຈຳໜ່າຍໜ້າຮ້ານ ແລະ ຮັບສົ່ງທັງພາຍໃນ ແລະ ຕ່າງແຂວງ ໂດຍພ້ອມເນັ້ນສິນຄ້າຄຸນນະພາບ, ລາຄາເໝາະສົມ ແລະ ພິເສດພວກເຮົາໄດ້ຂັດສັນສິນຄ້າຈຳໜ່າຍຕາມເທດສະການຕາມກະແສນິຍົມບໍ່ວ່າຈະເປັນເທດສະການວັນເດັກນ້ອຍ, ວັນຮາໂລວິນ, ວັນຄຣິສມາດ ແລະ ວັນອື່ນໆຕາມກະແສຕາມຊື່ຮ້ານ Trendy ໝາຍເຖິງກະແສນິຍົມນັ້ນເອງ. ທັງນີ້, ຍັງມີເຄື່ອງຫຼິ້ນ ຫຼື ສິນຄ້າທີ່ເສີມພັດທະນາເດັກຕອບສະໜອງຕາມລາຍບຸກຄົນ ແລະ ໂຮງຮຽນອານຸບານຫຼາຍແຫ່່ງກໍ່ເອົາສິນຄ້າຈາກຮ້ານເຮົາ ບໍ່ພຽງເທົ່ານັ້ນເຮົາຍັງຮັບບໍລິການສິນຄ້າຕາມສັ່ງອີກໃນກໍລະນີເຄື່ອງຫຼິ້ນຂາດຈາກຮ້ານຂອງເຮົາ.
ເຈົ້າຂອງກິດຈະການບອກເຖິງປະຫວັດແນວຄິດລິເລີ່ມຂອງຮ້ານ ເທຣນດີທອຍ ວ່າ: ນັບວ່າເປັນທຸລະກິດສືບທອດຈາກແມ່ທີ່ເລີ່ມຂາຍເຄື່ອງຂອງຂວັນ ( gift shop ) ມາໄດ້ 20 ກວ່າປີ ຈາກເບື້ອງຕົ້ນເປັນຮ້ານຂາຍຂອງຂວັນ ຫຼື ຮ້ານ ກິບຊອບ ທີ່ມີຊື່ສຽງໃນຂົງເຂດສີຫອມ ຫຼື ບ້ານຫາຍໂຊກແຫ່ງນີ້ ຕໍ່ຈາກນັ້ນມາ 5 ປີຜ່ານມາ ( ເລີ່ມປີ 2011 ) ຕົນເຫັນທ່າກ້າວດ້ານທຸລະກິດຂາຍເຄື່ອງເດັກນ້ອຍບວກກັບທີ່ເຄີຍຜູກພັນກັບການຂາຍເຄື່ອງຊ່ວຍແມ່ພາຍໃນຮ້ານຈຶ່ງໄດ້ສານຕໍ່ທຸລະກິດ ແລະ ຍົກລະດັບ ປັບປ່ຽນມາຈຳໜ່າຍເຄື່ອງຫຼິ້ນເດັກນ້ອຍຈົນມີການພັດທະນາ ແລະ ເຕີບໂຕເຖິງປັດຈຸບັນມີທັງລູກຄ້າປະຈຳລູກຄ້າຕ່າງປະເທດ ແລະ ສອງສາມປີຜ່ານມາເຮັດການຕະຫຼາດທາງດ້ານສື່ມີເດຍ ໂດຍສະເພາະເຟສບຸ໊ກ ( www.facebook.come/trendy toys shop ).
ທ່ານ ນາງ ປາວິນາ ບອກອີກວ່າ: ເຖິງທຸລະກິດເຮົາຈະມີການຕອບຮັບດີມີລູກຄ້າເພີ່ມຂຶ້ນແຕ່ລະປີແຕ່ກໍ່ຍັງມີຫຼາຍສິ່ງທ້າທາຍ ຄື: 1. ການແຂ່ງຂັນສິນຄ້າຮຽນແບບລາຄາຖືກຂາຍຮ້ານທົ່ວໄປ, 2. ສະຖານທີ່ຈອດລົດຂອງເຮົາບໍ່ຄ່ອຍສະດວກໂດຍແຄມທາງຊ້າຍຂວາຕ້ອງລະວັງຈອດຕາມກົດລະບຽບຈະລາຈອນສ່ວນໃຫຍ່ຈະເປັນມື້ ແລະ ເວລາລັດຖະການຮອດຕອນຄ່ຳຈຶ່ງຈະຈອດລົດສະດວກ. ທັງນີ້, ການແກ້ໄຂຄືລູກຄ້າສັ່ງສິນຄ້າໄວ້ລ່ວງໜ້າມາຮັບເອົາໄດ້ດ່ວນເລີຍ ຫຼື ເຮົາບໍລິການສົ່ງເຖິງທີ່.
ຕອນທ້າຍ ເຈົ້າຂອງຮ້ານບອກວ່າ: ແຜນການເຮົາຈະພະຍາຍາມສັນຫາສິນຄ້າຫຼາກຫຼາຍຢ່າງໃຫ້ຢູ່ໃນຮ້ານດຽວ ເພື່ອສະດວກແກ່ການເຂົ້າຊື້ລູກຄ້າມີທາງເລືອກຫຼາຍ ແລະ ຝາກຂອບໃຈບັນດາລູກຄ້າທີ່ອຸດໜູນຕະຫຼອດມາພ້ອມແຈ້ງຈັດໂປຣໂມຊັນ ແຕ່ປັດຈຸບັນເຖິງຕົ້ນປີ 2017 ທາງຮ້ານຫຼຸດລາຄາສິນຄ້າ, 5 – 10 % ອີງຕາມສິນຄ້າ ແລະ ມີຂອງແຖມບາງລາຍການ.
ສົນໃຈເຄື່ອງຫຼິ້ນຫຼາກຫຼາຍ, ອຸປະກອນການຮຽນຮູ້, ຊຸດແຕ່ງກາຍເດັກ, ຊຸດທີ່ມີສີສັນ, ຂອງປະກອບວັນເກີດ ແລະ ເທດສະການຕ່າງໆເຂົ້າສອບຖາມໄດ້.ສະຖານທີ່ ຕິດກັບໂຮງຮຽນສອນດົນຕີວຽງຈັນ ຫຼື ກົງກັນຂ້າມກັນໂຮງແຮມແສງລາວ ບ້ານຫາຍໂສກ, ເມືອງສີໂຄດຕະບອງ, ນະຄອນຫຼວງວຽງຈັນ ເປີດເປັນປະຈຳທຸກມື້ ແຕ່ 9:00 – 20:30 ໂມງ ແລະ ຕິດຕາມໄດ້ www.facebook.come/trendy-toys-shop.

[ ຮູບ ແລະ ຂ່າວໂດຍ: ຈັນໂທ ]