ບໍລິສັດ ແກ້ວ ໂອໂຕກຣຸບ ເປີດໂຕລົດມາສດ້າ2 ລຸ້ນ ສົ່ງທ້າຍປີເກົ່າຕ້ອນຮັບປີໃຫມ່

ຕະຫຼາດລົດໃນລາວ ຄຶກຄັກສົ່ງທ້າຍປີ ເມື່ອບັນດາຜູ້ນຳເຂົ້າລົດ ຫວັງກະຕຸ້ນກຳລັງຊື້ໃນປີຫນ້າໃຫ້ເພີ່ມຂຶ້ນ, ຫລ້າສຸດບໍລິສັດ ແກ້ວ ໂອໂຕກຣຸບ ຜູ້ນຳເຂົ້າ ລົດ ມາສດ້າ ໄດ້ເປີດຕົວລົດ 2 ລຸ້ນ ໃໝ່ ເພື່ອຕອບໂຈດຄວາມຕ້ອງການຂອງຜູ້ບໍລິໂພກ
ພິທີເປີດໂຕ ຈັດຂຶ້ນ ໃນຄໍ່າຄືນວັນທີ 12 ທັນວາ ຜ່ານມາ ທີ່ຂາຍລົດມາສດ້າ ບໍລິສັດ ແກ້ວ ໂອໂຕກຣຸບ ຕັ້ງຢູ່ ບ້ານໂພສີ ເມືອງສີໂຄດຕະບອງ ນະຄອນຫຼວງວຽງຈັນໄດ້ເປີດຕົວລົດ ມາສດ້າ 2 ລຸ້ນຄື: MAZDA CX-3 ແລະ MAZDA MX-5 RF ເຊິ່ງເປັນລົດຫຼູ ຕອບສະໜອງຄວາມຕ້ອງການຂອງຜູ້ຊົມໃຊ້ລົດໃນລາວ.
ທ່ານ ທິບພະເນດ ແກ້ວມະນີວົງ ຜູ້ຈັດການທົ່ວໄປ ບໍລິສັດ ແກ້ວໂອໂຕກຣຸບ ໄດ້ກ່າວວ່າ: ການເປີດໂຕ 2 ລຸ້ນດັ່ງກ່າວ ແມ່ນຈະສາມາດຕອບສະໜອງຄວາມຕ້ອງການຂອງຜູ້ຊົມໃຊ້ລົດ ທີ່ມີຄຸນນະພາບ ຢ່າງ MAZDA ໄດ້ເປັນຢ່າງດີ.
MAZDA CX-3 ໃໝ່ ພາຍໃຕ້ ຄຳຂວັນ ” ສູ່ອິດສາຫຼະໃໝ່ ປ່ຽນຊີວິດໃຫ້ແຕກຕ່າງ ” ອອກແບບຫຼ້າສຸດ ຂອງ MAZDA ລຸ້ນທີ 6 ຂອງ KODO DESIGN ທັງແຮງທັງປະຢັດ ເໜືອລະດັບ ດ້ວຍເຄື່ອງຈັກ SkyActiv ອັດແໜ້ນໄປກັບຄຸນສົມບັດໃໝ່ລ່າສຸດ ແລະ ຄວາມປອດໄພລະດັບສູງ.


MAZDA CX-3 ມີທັງລຸ້ນ 2WD ແລະ 4WD, ເຄື່ອງຈັກ 2.0L, 6 Speed AT ພ້ອມດ້ວຍ Sport mode, ເບາະໜັງຄຸນນະພາບດີ ຫຼູຫຼາ ໂດຍການນຳໃຊ້ວັດສະດຸ ແລະ ໂທນສີ ເທົາເນັ້ນຄວາມເປັນ Sport Premiom, ມີລະບົບ Istop ຊ່ວຍໃຫ້ລົດປະຢັດນ້ຳມັນ, MDZ connect and Display , DVD ຂະໜາດ 7 ນິ້ວ. ລໍ້ແມັກ ລາຍໂທນດຳເທົາ ຂອບ 18 ໄຟຕາໜ້າ ແລະ ໄຟຕ້າທ້າຍເປັນ LED, ຖົງລົມນິລະໄຟ 6 ໜ່ວຍ.
ສຳລັບ MAZDA MX-5 RF ເຄື່ອງຈັກ 2,0L 6 Speed AT ພ້ອມດ້ວຍ Sport mode, ມີລະບົບ Istop ຊ່ວຍໃຫ້ລົດປະຢັດນ້ຳມັນ, ມີລະບົບ I-eloop ຫັນພະລັງງານທີ່ເສຍໃນການເບກມາສາກເປັນໄພ, MDZ connect and Display DVD ຂະໜາດ 7 ນິ້ວ ແລະ ເປີດຫຼັງຄາໄຟຟ້າ.
ທ່ານ ກ່າວຕື່ມວ່າ ທັງສອງລຸ້ນ ພ້ອມແລ້ວສຳລັບລູກຄ້າ ທີ່ຈະເຂົ້າມາສຳຜັດ ແລະ ເລືອກຈັບຈອງເປັນເຈົ້າຂອງໄດ້ ເພື່ອເປັນຂອງຂັວນໃຫ້ຕົນເອງ ຫຼື ຄົນໃນຄອບຄົວ ແລະ ຄົນຮັກ ໂອກາດ ສົ່ງທ້າຍປີເກົ່າ ແລະ ຕ້ອນຮັບປີໃໝ່.