ທ່ານນາຍົກເຂົ້າຮ່ວມ ເປີດນຳໃຊ້ຂົວຂ້າມນໍ້າມ້າ 7 ແຫ່ງຕາມເສັ້ນທາງ 6 A 

  ໃນຕອນບ່າຍຂອງວັນທີ 22 ທັນວາ 2016 ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ໃຫ້ກຽດຕັດແຖບຜ້າ ເປີດການນໍາໃຊ້ຂົວ 7 ແຫ່ງ ຕາມເສັ້ນທາງເລກທີ 6 A ແຕ່ເສັ້ນທາງສົບເບົາ-ບ້ານດ່ານ ແລະ ໂຄງການນໍ້າປະປາ ເມືອງແອດ-ເມືອງຊຽງຄໍ້ ແຂວງຫົວພັນ ຢ່າງເປັນທາງການ ໂດຍມີທັງບັນດາພະນັກງານ, ວິຊາການ ຈາກຂະແໜງການທີ່ກ່ຽວຂ້ອງ ພ້ອມດ້ວຍ ພໍ່ແມ່ປະຊາຊົນເຂົ້າຮ່ວມ.

ຂົວຂ້າມນໍ້າມ້າ ຈໍານວນ 7 ແຫ່ງ ຕາມເສັ້ນທາງເລັກທີ 6 A ເປັນຂົວເບຕົງເສີມເຫຼັກ ມີຄວາມຍາວທັງໝົດ 337 ແມັດ, ໜ້າຂົວລົດແລ່ນ ກວ້າງ 7 ແມັດ. ບັນດາຂົວດັ່ງກ່າວແມ່ນເຊື່ອມຕໍ່ ລະຫວ່າງ ໝູ່ບ້ານ ຫາ ໝູ່ບ້ານ ພາຍໃນເມືອງສົບເບົາ ແລະ ເມືອງແອດ.

ສໍາລັບໂຄງການກໍ່ສ້າງນໍ້າປະປາເມືອງອແດ ແລະ ເມືອງຊຽງຄໍ້ ສາມາດສະໜອງນໍ້າສະອາດໃຫ້ແກ່ປະຊາຊົນພາຍໃນເມືອງແອດ ແລະ ເມືອງຊຽງຄໍ້ ໄດ້ຢ່າງພຽງພໍ

 

——————-

ແຫລ່ງຂ່າວ ຈາກ ກົມປະຊາສໍາພັນ, ຫສນຍ