ລົດແຂ່ງແບບບໍ່ມີຄົນຂັບ ຄັນທຳອິດຂອງໂລກ

ການສ້າງລົດແບບໄຮ້ຄົນຂັບ ໃຫ້ສາມາດແລ່ນເທິງຫົນທາງໄດ້ນັ້ນ ຖືວ່າເປັນເລື່ອງທີ່ທ້າທາຍ ແຕ່ຫຼ້າສຸດ Roborace ຈະເປີດການແຂ່ງລົດແບບໄຮ້ຄົນຂັບຄັນທຳອິດຂອງໂລກ ໂດຍທາງທີມຜູ້ສ້າງ Roborace ໄດ້ປ່ອຍພາບຫຼ້າສຸດຂອງລົດແຂ່ງບໍ່ມີຄົນຂັບຄັນນີ້ ເຊິ່ງມີຮູບຮ່າງທີ່ທັນສະໄໝ ແລະ ບອກຕຳແໜ່ງຂອງອຸປະກອນເຊັນເຊີແບບເຣດາ ແລະ ເຊັນເຊີແບບເຣດາເທິງຫຼັງຄາ ໄດ້ມີການຕິດຕັ້ງລະບົບເຊັນເຊີລະບຸພິກັດ 2 ຮູບແບບ ຄື: GPS ແລະ GLONASS.
ໃນສ່ວນຂອງສະໝອງຂອງລົດ ເລືອກໃຊ້ລະບົບຊຸບເປີຄອມພິວເຕີທີ່ມີຊື່ວ່າ Nvidia Drive PX 2 ມີ CPU 12 ແກນປະມວນຜົນທີ່ໃຫ້ປະສິດທິພາບໃນການປະມວນຜົນທີ່ສູງເຖິງ 8 teraflops ແລະ ມີຄວາມໄວໃນການປະມວນຜົນທີ່ສູງເຖິງ 24 ລ້ານຄັ້ງໃນ 1 ວິນາທີ, ເຮັດໃຫ້ Roborace ສາມາດຕັດສິນໃຈເລືອກທາງແລ່ນໄດ້ໄວໃນສະໜາມແຂ່ງ ແລະ ເພື່ອໃຫ້ຮູບໂສມຂອງລົດທີ່ອອກມາທັນສະໄໝ ທາງທີມງານຜູ້ສ້າງໄດ້ຈ້າງ Daniel Simon ເຊິ່ງເປັນ Visual artist ຜູ້ຢູ່ເບື້ອງຫຼັງການສ້າງພາບຈິນຕະນາການສຸດລ້ຳໃນຮູບເງົາເລື່ອງ Tron Legacy ໂດຍໄດ້ປັບການອອກແບບລົດໃຫ້ເບິ່ງລຽບງ່າຍ ແລະ ຄ່ອງຕົວຫຼາຍຂຶ້ນ.

( ທີ່ມາ:Thaiware.com )