ເປິດຄິວລົດສາຍໃຕ້ແຫ່ງໃໝ່

ໃນຕອນເຊົ້າມື້ນີ້ ໄດ້ມີພິທີເປີດສະຖານີລົດໂດຍສານໃຕ້ ແລະ ສາຍຕ່າງປະເທດ ຂຶ້ນ ໂດຍການເຂົ້າຮ່ວມຂອງທ່ານແກ້ວພິລາວັນ ອາໄພລາດ  ຮອງເຈົ້າຄອງ ນະຄອນຫຼວງວຽງຈັນ.

ສະຖານີແຫ່ງໃຫມ່ແມ່ນຕັ້ງຢູ່ຖະຫນົນ 450 ປີ ບ້ານສະພັງເມິກ ເມືອງໄຊທານິ ນະຄອນຫຼວງວຽງຈັນ (ຫ່າງຈາກສະຖານີເກົ່າປະມານ700-800ແມັດ).

sonexay (15)

ທ່ານ ວັນເພັນ ສີສຸກ ຮອງອຳນວຍການສະຖານີຂົນສົ່ງຜູ້ໂດຍສານສາຍໃຕ້ ແລະ ສາຍຕ່າງປະເທດ ກ່າວ ວ່າ: ໂຄງການກໍ່ສ້າງສະຖານີຂົນສົ່ງຜູ້ໂດຍສານສາຍໃຕ້ ແລະ ສາຍຕ່າງປະເທດທີ່ລົງມືກໍ່ສ້າງມາເປັນເວລາ 2 ປີກວ່າ ເປັນອາຄານ 2 ຊັ້ນ  ດ້ວຍມູນຄ່າການກໍ່ສ້າງ 50 ຕື້ກວ່າກີບເປັນໂຄງການສຳປະທານເນື້ອທີ່ 3 ກວ່າເຮັກຕາ ອາຍຸການສຳປະທານ 40 ປີ ໃນເບື້ອງຕົ້ນ.

ໂຄງການກໍ່ສ້າງດັ່ງກ່າວໄດ້ອອກແບບທັນສະໄໝ ແລະ ໃຫຍ່ກວ່າເກົ່າມີລະບົບຮັກສາຄວາມປອດໄພໂດຍຜ່ານປະຕູດຽວປະກອບມີ: ບ່ອນຂາຍປີ້ລົດຂອງບັນດາບໍລິສັດ ຮ້ານສະດວກຊື້ ແລະ ຮ້ານຂາຍເຄື່ອງກິນຕ່າງໆ.

sonexay (12)